Պերմի թիվ 127 դպրոցի վրա հարձակում գործած անչափահասները դատարանի որոշմամբ ձերբակալվել են, նրանք կալանքի տակ կմնան 2 ամիս, հայտնում է Gazeta-ն:
Սկզբնապես հարձակման կազմակերպիչները խնդրել են տնային կալանք նշանակել, սակայն ավելի ուշ, կապված նրանց հանցանքի ծանրության հետ, որոշում է ընդունվել նրանց քննչական մեկուսարան տեղափոխելու մասին:
Այժմ անչափահասները ծանր վիճակում գտնվում են հիվանդանոցում: Մինչ ապաքինվելը նրանք կմնան բուժհաստատությունում:
Դեպքի հետևանքով տուժած երեխաների ծնողները մտադիր են հասնել արդարության ոչ միայն ձերբակալված անչափահասների, այլ նաև դպրոցի աշխատակիցների և անվտանգության ծառայությունների նկատմամբ: