Ռեալիթի շոուի աստղ Քիմ Քարդաշյանն ու նրա ամուսինը՝ Քանյե Ուեսթը, երրորդ անգամ ծնողներ են դարձել, հաղորդում է TMZ-ը:
Փոխնակ մայրն աղջիկ է ծննդաբերել:
Պարբերականի տեղեկություններով՝ աղջիկը ծնվել է երեկ Լոս Անջելեսի ծննդատներից մեկում: Ծննդատանը ներկա են գտնվել Քիմն ու Քանյեն, ինչպես նաև ծննդատուն են եկել Քիմի քույրերը:
Հայտնի է նաև, որ աղջիկը կշռում է 3 կգ-ից մի փոքր ավելի և ծնվել է առողջ: Երեխայի անունը դեռևս հայտնի չէ:
Նշենք, որ զույգն ունի 2 երեխա՝ աղջիկը՝ Նորթը, և տղան՝ Սեյթը: Ծննդաբերությունից հետո ռեալիթի շոուի աստղի մոտ առողջական խնդիրներ են առաջացել, այդ իսկ պատճառով նրա երրորդ երեխային լույս աշխարհ է բերել փոխնակ մայրը: