Վաշինգթոն կատարած այցի ընթացքում Ղազախստանի նախագահ Նուրսուլթան Նազարբաևն ավելի քան 20 համաձայնագիր է ստորագրել՝ ներդրումների, առևտրի և տնտեսության ոլորտներում: Այս մասին ասվում է ԱՄՆ Պետդեպարտամենտի կայքում:
Համաձայնագրերի ընդհանուր գումարը կազմել է 2,5 միլիարդ դոլար:
«Այցի ժամանակ բազմաթիվ կոմերցիոն պայմանագրեր և փաստաթղթեր են ստորագրվել, ներառյալ՝ նոր համաձայնագրեր Boeing, GE Transportation, GE Digital, Chevron, Air Astana և «ղազախստանյան ուղևորափոխադրումներ» ընկերությունների, SCAT ավիաընկերության և «Սամրուկ Կազընա» ազգային բարեկեցության հիմնադրամի միջև՝ ավելի քան 2,5 միլիարդ դոլարի չափով»,- ասվում է Պետդեպարտամենտի հայտարարության մեջ:
Նշվում է, որ Նազարբաևը կմնա ԱՄՆ-ում մինչև հունվարի 18-ը: