Իրադարձություններ

«Ծառուկյան» խմբակցության պատգամավոր Սերգեյ Բագրատյանի՝ ԱԺ հայտարարությունների ժամին ունեցած ելույթն արտագաղթի, թանկացումների, կառավարման համակարգի անկայունության, հարկային խստացումների մասին էր: «Ցավով պետք է նշեմ, որ կառավարության շատ անդամներ պատրաստ չեն ծառայելու ժողովրդին, ականջալուր լինելու նրանց խնդիրներին: Նախարարներից շատերին որպեսզի որևէ հարցով դիմենք, ամիսներ են պետք ու հազարավոր զանգեր: Անհասկանալի է՝ նախարարներն ինչո՞վ են զբաղած. ժամը 12:00-ին գործի են գալիս, 14:00-ից հետո որևէ մեկին տեղում չես կարող գտնել»: Պատգամավորն անուններ չհնչեցրեց, բայց խոստացավ՝ եթե նախարարները շարունակեն այս գործելաոճն, անունները փաստերով կհնչեցնի. «Լիարժեք իրականացնելու ենք վերահսկողության մեր ողջ գործիքակազմը»: