Պերմի թիվ 127 դպրոցի վրա հարձակման հետևանքով տուժած 10-ամյա հայ տղայի հայրը «Комсомольская правда»-ի հետ զրույցում մանրամասներ է ներկայացրել արյունալի դեպքից:
«Տղաս այդ դպրոց է հաճախում առաջին դասարանից: Մեզ դուր էր գալիս այդ դպրոցը: Տղաս պատմել է, որ ժամը մոտավորապես 9.45 իրենց դասարան 2 տղա են ներխուժել: Նրանցից մեկը դանակով մոտեցել է ուսուցչուհուն, հարվածել նրան, ապա միանգամից մոտեցել տղայիս, ով նստած է եղել առջևում, և վնասել նրան: Որդիս գլխի վնասվածք է ստացել: Նա արագ վազել է միջանցք, ապա փողոց, հասել Գագարինի զբոսայգում գտնվող հիվանդանոց»,- ասել է տղայի հայրն՝ Արգիշտի Աբրոյանը:
Աբրոյանը նշել է, որ այժմ իր կինը երեխայի մոտ հիվանդանոցում է, նա ևս դուրս է եկել աշխատանքից, գնացել խանութ և մթերքներ է տանում երեխային:
Նշենք, որ ավելի ուշ հայտնի է դարձել, որ հրապարակված ցուցակում սխալ է գրվել 10-ամյա Աբրոյանի անունը. նրա անունն իրականում Մենուլա չէ, այլ Մենուա: