Անչափահասը, ով Պերմի դպրոցում դանակահարություն է կազմակերպել, աջակցել է ռուս ընդդիմադիր գործիչ Ալեքսեյ Նավալնիին, բացի այդ, բացասական է արտահայտվել Ռուսաստանի հասցեին, հաղորդում է Gazeta-ն:
«Դպրոցում դանակահարություն կազմակերպելուց առաջ տղան ջնջել է «ВКонтакте» կայքում իր բոլոր գրառումները: Սակայն սոցցանցում մնացել են նրա որոշ մեկնաբանություններ, որտեղ նա աջակցում է Նավալնիին և վատ արտահայտվում Ռուսաստանի հասցեին»,- նշում է RT-ն:
16-ամյա տղան մեկնաբանություններից մեկում գրել է.
«Թող նա (Նավալնին) երկիրը կործանի: Միևնույնն է՝ ստրուկների երկիր է»:
Երիտասարդի՝ սոցցանցի էջերում կան նաև բազմաթիվ տեսագրություններ՝ նվիրված ԱՄՆ-ի Կոլորադո նահանգում տեղի ունեցած դպրոցական խոշոր ահաբեկչությանը:
Վերջին տվյալների համաձայն՝ դեպքի հետևանքով 15 դպրոցական է տուժել: Վիրավորների թվում հայ աշակերտուհի կա: