Facebook-ի նորությունների ժապավենում կատարվելիք փոփոխությունների մասին հայտարարելուց հետո ընկերության հիմնադիր Մարկ Ցուկերբերգը 2,9 միլիարդ դոլար է կորցրել, հաշվարկել է Bloomberg-ը: Այս մասին տեղեկացնում է РБК-ն:
Գործակալությունը նշում է, որ Ցուկերբերգի հայտարարությունից հետո ընկերության բաժնետոմսերը նվազել են 3,9%-ով:
Արդյունքում Ցուկերբերգի կարողությունը, համաձայն Bloomberg Billionaires Index-ի, 77,3 միլիարդ դոլարից նվազել է 74,4 միլիարդ դոլար:
Bloomberg-ը նշում է, որ եթե բաժնետոմսերի արժեքի նվազեցման միտումը շարունակվի, ապա Ցուկերբերգը կկորցնի աշխարհի ամենահարուստ մարդկանց ցուցակում իր 4-րդ տեղը՝ այն զիջելով Zara-ի սեփականատեր Ամանսիո Օրտեգային: