Թեհրանը պատրաստ է արագացնել ուրանի հարստացումը, եթե Վաշինգթոնը խախտի իրանական ատոմի մասին համաձայնագիրը․ РИА Новости-ի փոխանցմամբ, հայտարարել է Իրանի ատոմային էներգիայի հարցով կազմակերպության ղեկավարի տեղակալ Բեհրուզ Քամալվանդին:
Նրա խոսքով՝ ԱՄՆ նախագահ Դոնալդ Թրամփի կողմից հակասական հայտարարություններ են արվում՝ կապված Իրանի դեմ պատժամիջոցային ռեժիմի երկարաձգման հետ:
Քամալվանդին ընգծել է, որ Իրանն անհրաժեշտ քայլեր կձեռնարկի համաձայնագրի խախտման դեպքում:
Ավելի վաղ ԱՄՆ Պետդեպարտամենտի ներկայացուցիչը հայտնել էր, որ Վաշինգթոնը հունվարի 12-ին կհայտարարի, թե արդյոք երկարաձգելո՞ւ է Իրանի դեմ պատժամիջոցները: Ինչպես նաև հայտարարվել է, որ Իրանի ԱԳՆ ղեկավար Մոհամադ Զարիֆը կմեկնի Մոսկվա և Բրյուսել՝ միջնորդ երկրների հետ քննարկելու իրանական միջուկային գործարքի շուրջ ստեղծված իրավիճակը: