81 տարեկան հասակում մահացել է Ռուսաստանի ժողովրդական արտիստ, երգիծանքի թատրոնի դերասան Միխայիլ Դերժավինը, հայտնում է «РИА Новости»-ն:
«Երկարատև ծանր հիվանդությունից հետո այսօր մահացել է ժողովրդական արտիստ Միխայիլ Դերժավինը»,- գործակալությունը մեջբերում է դերասանի ներկայացուցչի խոսքը:
Այդ տեղեկությունը РБК-ի հետ զրույցում հաստատել է դերասանի կինը՝ Ռոկսանա Բաբայանը:
Դերասանի վերջին հրաժեշտի և հուղարկավորության արարողության ամսաթվի մասին հայտնի կլինի ավելի ուշ: