Խնդրում ենք սպասել...

Իրադարձություններ

«Պարտավոր ենք առաջնորդվել այն չափանիշներով, որոնք նախ բխում են մեր շահերից». Ս. Հասրաթյանը՝ զինծառայողների վիրավորվելու լուրը չհրապարակելու մասին

13:15, երեքշաբթի, 09 հունվարի, 2018 թ.
«Պարտավոր ենք առաջնորդվել այն չափանիշներով, որոնք նախ բխում են մեր շահերից». Ս. Հասրաթյանը՝ զինծառայողների վիրավորվելու լուրը չհրապարակելու մասին

Արցախի Պաշտպանության բանակի մամուլի քարտուղար Սենոր Հասրաթյանն՝ անդրադառնալով զինծառայողների վիրավորվելու դեպքերի մասին տեղեկատվություն տրամադրելու հարցին, ֆեյսբուքյան իր էջում գրառում է արել։

«Հարգելով խոսքի ազատությունն ու հրապարակայնությունը, այդուհանդերձ մնում եմ այն կարծիքին, որ ունենալով դեռևս չավարտված պատերազմի պայմաններում ապրող երկիր, մենք պարտավոր ենք, գոնե ռազմաքաղաքական ոլորտում, առաջնորդվել այն չափանիշներով, որը նախ բխում է մեր, նոր միայն հրապարակայնության շահերից: Ասել է թե՝ երկրի պաշտպանությանը վերաբերող գործընթացների հանդեպ դրսևորենք սեփական հետաքրքրությունները ազգային հետաքրքրություններին ստորադասելու գիտակցված կարողություն և գործենք Երկիրը պահող զինվորի հոգեբանությամբ: Սա վերաբերում է անխտիր մեր պետության յուրաքանչյուր քաղաքացու ու, առավել ևս նրանց, ովքեր կոչումով և գործունեության բնույթով ունեն հասարակության վրա ազդելու և վերջինիս ուղղորդելու համապատասխան լծակներ: Հիշենք, որ պատմությունն ունի կրկնվելու հատկություն և բացառված չէ, որ աշխարհաքաղաքական զարգացումների ներկա բարդ պայմաններում մեր կողմից թույլ տրված ցանկացած վրիպում կարող է ունենալ այն հետևանքները, ինչն ունեցել ենք Հայոց պատմության տարբեր հանգրվաններում: Եվ վերջում հետևություն՝ խորհրդի կարգով.-տիրապետել խոսքի արվեստին, դեռևս չի նշանակում ասել այն, ինչին օբյեկտիվորեն չես տիրապետում: Այսքանը»:

3888 | 2
Facebook