Փարիզի դատախազությունը գործ է հարուցել Apple ընկերության դեմ՝ կապված iPhone-ների հին մոդելների միտումնավոր դանդաղեցման հետ:
Հետաքննությունն անցկացնում է մրցակցության, սպառման և խարդախության դեմ պայքարի հարցերով Գլխավոր վարչությունը:
Ընկերության դեմ բողոքը ներկայացրել է «Վերջ ծրագրված դանդաղեցմանը» հասարակական կազմակերպությունը, հաղորդում է AFP գործակալությունը:
Կազմակերպությունը կարծում է, որ խախտվել են սպառողների իրավունքները:
Հիշեցնենք, որ անցած տարվա դեկտեմբերին ընկերությունը խոստովանել էր, որ միտումնավոր դանդաղեցրել է iPhone 6, iPhone 6s և iPhone SE-ի աշխատանքը: Դրանից հետո ընկերության դեմ բազմաթիվ հայցեր էին ներկայացվել ԱՄՆ-ում, Կանադայում և Իսրայելում: