ԱՄՆ նախագահ Դոնալդ Թրամփը լուծարել է 2016թ. ընտրակեղծիքների հետաքննությամբ զբաղվող հանձնաժողովը, հաղորդում է Reuters-ը՝ հղում անելով Սպիտակ տան հայտարարությամբ:
Նշվում է, որ ԱՄՆ նախագահը հանձնարարել է հետագայում այդ հարցը մշակել ներքին անվտանգության նախաարությունում:
«Հարկ վճարողների ծախսերի անվերջ դատական գործերին մասնակցելու փոխարեն այսօր ես ստորագրում եմ հանձնաժողովի լուծարման մասին հրամանագիրն ու խնդրում ներքին անվտանգության նախարարությանը վերանայել այդ հարցերն ու կարգավորել հետագա գործողությունները»,- ասել է Թրամփը:
Հանձնաժողովը, որը ղեկավարում է ԱՄՆ փոխնախագահ Մայք Փենսը, ստեղծվել է անցած տարվա մայիսին՝ ընտրությունների ժամանակ հնարավոր խարդախությունները հետաքննելու համար: