Խնդրում ենք սպասել...

Միջազգային

Հնարավոր է՝ Իրանի իշխանությունները չեղարկեն էլեկտրաէներգիայի և ջրի գների բարձրացումը

12:10, չորեքշաբթի, 03 հունվարի, 2018 թ.
Հնարավոր է՝ Իրանի իշխանությունները չեղարկեն էլեկտրաէներգիայի և ջրի գների բարձրացումը

Թեհրանի «Ալիք» օրաթերթը գրում է, որ երեկ երեկոյան Թեհրանում և երկրի խոշոր քաղաքներում, այդ թվում՝ Սպահանում համեմատաբար հանգիստ է եղել, սակայն մի քանի փոքր քաղաքներում բողոքի ակցիաները շարունակվել են:

Լենջան քաղաքում անկարգությունների սադրիչները կրակ են բացել կուսակցության շենքի ուղղությամբ: Միջադեպը, բարեբախտաբար, զոհեր չի ունեցել:

Բողոքի ակցիաներ են անցկացվել Քարաջում, Խոմեյնի Շահրում, Խուզեստանի Աբադան ու Մասջեդ Սոլեյման քաղաքներում:

Միևնույն ժամանակ իրանական ԶԼՄ-ները տեղեկացրել են, որ Անվտանգության նախարարության աշխատակիցները ձերբակալել են մի անձնավորության, ով մեղադրվում է նախօրեին Դորուդ քաղաքում անցկացված բողոքի ակցիաների ժամանակ 2 քաղաքացու մահվան համար:

Այսօր հայտնի է դարձել, որ առաջիկա օրերին Իրանի խորհրդարանը քննարկելու է էլեկտրաէներգիայի և ջրի գների բարձրացումը չեղարկելու մասին հարցը, գրում է Vesti.ru-ն:

Պաշտոնական տվյալներով նախորդ 5 օրերի ընթացքում կազմակերպված բողոքի զանգվածային ակցիաների և անկարգությունների ընթացքում զոհվել է 21 մարդ, իսկ ձերբակալվածների ու բերման ենթարկվածների թիվը հասել է 450-ի:

Հիշեցնենք՝ բողոքի ակցիաներն սկսվեցին թանկացումների դեմ ցույցերով՝ ընթացքում ստանալով քաղաքական երանգ:

Կադրեր ցույցերից
9227 | 0
Facebook