ԱՄՆ-ի կենսատեխնոլոգիական տեղեկատվության ազգային կենտրոնը պարզել է, թե աշխարհի որ երկրներում է մեծ ժողովրդականություն վայելում տղամարդկանց թլպատումը:
Այդ տեղեկատվության հիման վրա ստեղծված քարտեզը հրապարակվել է Reddit կայքում:
Ներկայացված տվյալների համաձայն՝ այդ գործընթացը մեծ պահանջարկ ունի Մերձավոր Արևելքում, Հյուսիսային Աֆրիկայում, Հարավարևելյան Ասիայում և ԱՄՆ-ում, սակայն ամենից շատ (ավելի քան 99%) ճանաչված է այնպիսի երկրներում, ինչպիսիք են՝ Աֆղանստան, Գաբոն, Եմեն, Իրան, Մավրիտանիա, Մարոկկո, Տաջիկստան, Թունիս, Արևմտյան Սահարա, ինչպես նաև Կոմորյան կղզիներ:
Հաճախ այդ գործընթացն իրականացվում է Հարավային Կորեայում:
Մեծ Բրիտանիայի առողջապահության ազգային ծառայությունը (NHS) նշում է, որ տղամարդիկ այդ քայլին են դիմում ոչ միայն քաղաքական և կրոնական, այլ նաև բժշկական պատճառներով, հաղորդում է The Independent-ը: