Առնվազն 12 մարդ է զոհվել Նյու Յորքում տեղի ունեցած հրդեհի հետևանքով: Այս մասին հայտնել է Նյու Յորքի քաղաքապետ Բիլ Դե Բլազիոն, հաղորդում է Fox News-ը:
Հրդեհը բռնկվել է Բրոնքսի տներից մեկում: Քաղաքի իշխանությունները նշել են, որ զոհերի թիվը կարող է աճել:
Դե Բլազիոյի խոսքով՝ 4 մարդ ծայրահեղ ծանր վիճակում է գտնվում:
Ինչպես նաև հայտնի է, որ հրդեհի հետևանքով 1 տարեկան երեխա է զոհվել:
Նյու Յորքի քաղաքապետը նշել է, որ հրդեհն ամենասարսափելին է եղել վերջին 25 տարվա ընթանցքում: