ԱՄՆ-ն պատրաստ է շարունակել համագործակցել Ռուսաստանի հետ այն դեպքում, եթե երկու երկրների շահերը համընկնեն, սակայն մինչ Ուկրաինայի իրավիճակի կարգավորումն այդ հարաբերություններն անհնար են, ինչը Ռուսաստանի ներկայիս ղեկավարության օրոք տեղի չի ունենա: Այս մասին հայտարարել է ԱՄՆ պետքարտուղար Ռեքս Թիլերսոնը, հաղորդում է New York Times-ը:
«Մենք ականատես ենք լինում ռուսական ագրեսիային, սակայն խոստովանում ենք Ռուսաստանի հետ համատեղ աշխատանքի անհրաժեշտությունն այնտեղ, որտեղ մենք ընդհանուր շահեր ունենք»,- ասել է Թիլերսոնը:
Նա նաև նշել է, որ այդ անհրաժեշտությունն զգացվում է Սիրիայում:
Միևնույն ժամանակ, նա նշել է ներկայիս վատ հարաբերությունները Ռուսաստանի հետ, որ վերջին տասնամյակում ներխուժում է հարևան երկրներ՝ Վրաստան և Ուկրաինա, խախտում արևմտյան գերտերությունների ինքնավարությունը, միջամտում ԱՄՆ-ի և մյուս պետությունների ընտրություններին: