2032-ին Չինաստանն առաջ կանցնի ԱՄՆ-ից՝ դառնալով համախառն ներքին արդյունքի ծավալով համաշխարհային առաջնորդ, գրում է Bloomberg-ը՝ հղում անելով տնտեսության և բիզնեսի խնդիրների հետազոտության լոնդոնյան կենտրոնի (CEBR) տվյալներին:
Ընդ որում, նշվում է, որ աշխարհի խոշորագույն տնտեսությունների քառյակում կհայտնվեն Հնդկաստանն ու Ճապոնիան, ինչը վկայում է Ասիայի երկրների տնտեսական պոտենցիալի աճը:
Այդպիսով, 2032թ. առաջնորդների տասնյակը կունենա հետևյալ տեսքը՝ Չինաստան, ԱՄՆ, Հնդկաստան, Ճապոնիա, Գերմանիա, Բրազիլիա, Մեծ Բրիտանիա, Հարավային Կորեա, Ֆրանսիա և Ինդոնեզիա:
CEBR-ի փորձագետները նշում են, որ Հնդկաստանն արդեն 2018թ. առաջ կանցնի Մեծ Բրիտանիայից և Ֆրանսիայից, իսկ 2027-ին՝ Գերմանիայից: