ԱՄՆ-ը հասել է 2018-2019թթ. ՄԱԿ-ի բյուջեի էական կրճատման: ՄԱԿ-ում ԱՄՆ-ի մշտական ներկայացուցչությունը հայտնել է, որ կազմակերպության բյուջեն կրճատվել է 285 միլիոն դոլարով, հաղորդում է Associated Press-ը:
Գործակալությունը նշում է, որ դեռևս հայտնի չէ, թե ինչպես բյուջեի ընդհանուր կրճատումը կանդրադառնա կազմակերպությունում ԱՄՆ-ի ներդրումներին:
ՄԱԿ-ում ԱՄՆ-ի մշտական ներկայացուցիչ Նիքի Հեյլին հայտարարել է, որ ՄԱԿ-ի «անարդյունավետությունն ու չափից դուրս ծախսերը» բոլորին հայտնի են, և անթույլատրելի է «ամերիկացի ժողովրդի շռայլությունը չարաշահելը»:
2018-2019թթ. 5,39 միլիարդ դոլարի չափով ՄԱԿ-ի բյուջեն ընդունվել էր անցած շաբաթ կազմակերպության Գլխավոր վեհաժողովի կողմից:
Կազմակերպությունում երկրների ներդրումներն իրականացվում են՝ հաշվի առնելով համախառն ներքին արդյունքն ու երկրի բնակչության մեկ անձի եկամուտը: Ներդրումների ամենամեծ բաժինը հասնում է ԱՄՆ-ին: