Ինչպես ավելի վաղ հայտնել էինք, Իրանի մայրաքաղաք Թեհրանի մոտակայքում 5,2 մագնիտուդ ուժգնությամբ երկրաշարժ է տեղի ունեցել: Երկրաշարժի հետևանքով մեկ մարդ է զոհվել, առնվազն 97-ը վիրավոր է:
Այս մասին հայտնել է Իրանի Կարմիր մահիկի կազմակերպության ղեկավար Մորթեզա Սալիմին, հաղորդում է Mehr-ը:
Նրա խոսքով՝ զոհվածը հղի կին է, ով վախեցել է երկրաշարժից:
Նշվում է, որ երկրաշարժի օջախը գտնվել է 7 կմ խորության վրա: Այն զգացվել է Թեհրանում, Ալբորզում, Քազվինում, Քումում, Գիլյանում և Մարքազիում: