2018 թվականին լրանում է հայազգի աշխարհահռչակ լուսանկարիչ Արա Գյուլերի ծննդյան 90-ամյակը։ Վարպետի հոբելյանին ընդառաջ, Հայաստանի ազգային պատկերասրահը Արցախի արվեստասեր հանրությանն է ներկայացնում Արա Գյուլերի՝ տարբեր տարիներին արված լուսանկարների հավաքածուն՝ հայտնի մարդկանց դիմանկարներ և հայկական բնանկարներ։
Բացումը տեղի կունենա Ստեփանակերտի պատկերասրահում՝ դեկտեմբերի 21-ին, որին կհաջորդեն լուսանկարչին նվիրված ֆիլմի ցուցադրությունը և վարպետաց դասը` Ստեփանակերտի Թումո ստեղծարար տեխնոլոգիաների կենտրոնում: