ՀՀ նախագահ Սերժ Սարգսյանը վերջին հարցազրույցի ժամանակ խոսելով հեռացած պաշտոնյաների մասին, ասել էր, թե «ամենևին չի նշանակում, որ այդ մարդիկ անփոխարինելի են, կամ մշտապես պետք է լինեն ծառայության մեջ»։ «Իմ ասածը չի նշանակում նաև, որ ովքեր գնացել են, գնացել են հավերժ, հավիտյան»,- ընդգծել էր Սարգսյանը:
Ասում են՝ սրանով ՀՀ նախագահն ուզում էր ասել, որ գոհ չէ նախարարների կաբինետի աշխատանքից ու 2018-ին կվերադառնան այն անձինք, ովքեր Կարեն Կարապետյանի՝ վարչապետ նշանակվելուց հետո հեռացան իշխանությունից: Ըստ լուրերի՝ խոսքը Գագիկ Բեգլարյանի, Գագիկ Խաչատրյանի և Հովիկ Աբրահամյանի մասին է: