Լիբիայի նախկին առաջնորդ Մուամար Քադաֆիի որդին՝ Սեյֆ ալ Իսլամը, մտադիր է իր թեկնածությունն առաջադրել երկրի նախագահական ընտրություններում, հաղորդում է Egypt Today-ը:
Հունիսի սկզբին «Աբու Բաքր աս-Սիդիք» զինված խմբավորումը հայտարարել էր, որ Սեյֆ ալ Իսլամն ազատություն է ստացել Լիբիայի խորհրդարանի համընդհանուր համաներման շնորհիվ:
Իր հերթին, քաղաքական գործչի ազատման համար 2011թ.-ից պայքարում է Միջազգային քրեական դատարանը:
Քադաֆիի ընտանիքի ներկայացուցիչը հայտնել է, որ Սեյֆ ալ Իսլամը նախընտրական ծրագիր է նախապատրաստել, որը մտադիր է հրապարակել մոտակա օրերը: Ծրագրում, մասնավորապես, նա հույս է հայտնում, որ ՄԱԿ-ն ազդեցություն կունենա Լիբիայի կայունությանը: Որպես առաջնահերթություն նշվում է անվտանգության ամրապնդումը:
Ավելի վաղ Քադաֆիի ընտանիքի փաստաբանը հայտնել էր, որ Սեյֆ ալ Իսլամը քաղաքական գործունեություն է սկսել Լիբիայի տարածքում և ձգտում է հասնել երկրի ներսում համաձայնությանն ու խաղաղությանը: