Բրազիլացի հայտնի ֆուտբոլիստ Կական հայտարարել է մարզական կարիերան ավարտելու մասին։
«Այս ամենն ավելի շատ էր, քան ես կարող էի պատկերացնել։ Շնորհակալ եմ։ Հիմա պատրաստ եմ հաջորդ ճամփորդությանս»,- նշել է բրազիլացին։
Նշենք, որ Կակայի վերջին ակումբն «Օրլանդո Սիթի»-ն էր։ Մարզական կարիերայի ընթացքում 35-ամյա ֆուտբոլիստը հանդես է եկել իտալական «Միլան»-ում, իսպանական «Ռեալ»-ում և բրազիլական «Սան Պաուլու»-ում։ Բրազիլիայի հավաքականի կազմում 2002-ին հռչակվել է աշխարհի չեմպիոն։