Միխաիլ Սաակաշվիլիի կողմնակիցները գրոհով վերցրել են Կիևի կենտրոնում գտնվող Հոկտեմբերյան պալատը, հայտնում է Life-ը:
Ակտիվիստները կոտրել են մուտքի դուռն ու տապալելով կառույցի ներսում գտնվող ազգային գվարդիայի դիմադրությունը, ներխուժել են շենքի տարածք: Իրավապահները կրակմարիչներ են կիրառել ակտիվիստների դեմ: Ցուցարարները պալատից մի քանի գվարդիականի են դուրս բերել՝ ամբողջությամբ պատված կրակմարիչի սպիտակ փոշով:
Գրոհի ընթացքում նաև 3 ուժեղ պայթյուն է որոտացել: Ցուցարարներից ոմանք վնասվածքներ են ստացել կրակմարիչների փոշուց:
Հիշեցնենք, որ Սաակաշվիլիին Կիևի դատարանն ազատ էր արձակել դեկտեմբերի 11-ին: