Երևանյան միջազգային կիթառի փառատոնի գեղարվեստական ղեկավար, Երեւանի կիթառահարների միջազգային ասոցիացիաների նախագահ Ժորա Սարգսյանը ներկայացրել է նոր տեսահոլովակ: Նա «Արամ Խաչատրյան» համերգասրահում կատարում է Յ.Ս. Բախի Պրելյուդն Առաջին դաշնամուրային պարտիտայից:
Ստեղծագործությունը գրված չէ կիթառի համար, այն հատուկ այս գործիքի համար փոխադրել է հենց Ժորա Սարգսյանը: Հոլովակի ռեժիսորն է Քրիստինա Մալխասյանը,
Ժորա Սարգսյանն այս տարվա ընթացքում հասցրել է համերգներ ունենալ հանրահայտ փառատոնների շրջանակում, որոնք անցկացվել են տարբեր երկրներում՝ Ռուսաստանում, Գերմանիայում, Բելգիայում, Հոլանդիայում, Ավստրիայում, Լիտվայում և այլուր:
Կիթառահարը նախատեսում է ծրագրերով, վարպետության դասերով հանդես գալ հանրապետության մարզերում և Արցախում: