Դեկտեմբերի 25-ին Արամ Խաչատրյան համերգասրահում իտալացի հանրահայտ բանդոնեոնահար, ակորդեոնահար Մարիո Ստեֆանո Պիետրոդարկին և Հայաստանի պետական երիտասարդական նվագախումբը հանդես կգան բացառիկ համերգով:
Համերգի ընթացքում կհնչեն սիրված ու հայտնի ստեղծագործություններ, արգենտինական տանգոներ:
Նշենք, որ հայտնի ակորդիոնահարն արդեն 4-րդ անգամ է գալիս Հայաստան: 2016-ին համերգից հետո Պիետրոդարկին մեզ հետ զրույցում խոստովանեց, որ շատ է սիրում հայ հանդիսատեսին, հայ մարդկանց:
«Հաճելի է, երբ մարդիկ հասկանում են այն, ինչ ուզում ենք փոխանցել երաժշտության միջոցով», -ասաց հայտնի ակորդիոնահարը: