Ստամբուլի Բախչելիէվլեր շրջանում հատուկ գործողությունների ժամանակ մահապարտ ահաբեկիչ է ձերբակալվել, ով ծրագրում էր պայթյուն իրականացնել դեկտեմբերի 13-ին անցկացված Իսլամական համագործակցության կազմակերպության գագաթնաժողովի ժամանակ:
Թուրքական ԶԼՄ-ների հաղորդմամբ՝ հայտնաբերվել է 60 կգ պայթուցիկով լի մեքենա, բացի մահապարտ ահաբեկչից` ևս 9 մարդ է ձերբակալվել:
Նշենք, որ Թուրքիայի նախագահ Ռեջեփ Էրդողանի հրավերով գագաթնաժողովին մասնակցում էին Ադրբեջանի նախագահ Իլհամ Ալիևն ու 16 երկրների առաջնորդներ և 48 երկրների ներկայացուցիչներ: