Ռուսաստանի Դաշնային խորհրդի նիստի ժամանակ նախագահական ընտրությունները 2018թ. մարտի 18-ին անցկացնելու մասին որոշում է կայացվել, հաղորդում է «РИА Новости»-ն:
Որոշումն ընդունվել է միաձայն:
Նախօրեին ՌԴ նախագահ Վլադիմիր Պուտինն ամենամյա մամուլի ասուլիսի ժամանակ հայտարարել էր, որ կառաջադրվի 2018թ. կայանալիք նախագահական ընտրություններում:
Բացի այդ, առաջադրվելու ծրագրերին մասին ավելի վաղ հայտնել էին հեռուստահաղորդավարուհի Քսենյա Սոբչակը, Լիբերալ-դեմոկրատական կուսակցության առաջնորդ Վլադիմիր Ժիրինովսկին, բիզնես-օմբուդսմեն Բորիս Տիտովն ու Կոմունիստական կուսակցության առաջնորդ Գենադի Զյուգանովը: