«Ես և Լենա Նազարյանը (Աժ պատգամավոր) հանդես ենք եկել՝ «Հայաստանի Հանրապետության աշխատանքային օրենսգրքում» փոփոխություն կատարելու մասին օրենսդրական նախաձեռնությամբ, որը նախատեսում է, որ մանկապարտեզներ հաճախող երեխաների ծնողներից մեկի աշխատանքն ավարտվելու է ոչ ուշ, քան 17:00-ն: Սա կօգնի ծնողներին խուսափել առաջացող բազմաթիվ խնդիրներից»,- ֆեյսբուքյան իր էջում գրել է Երևանի ավագանու «Ելք» խմբակցության անդամ Արայիկ Հարությունյանը: «Այն ծնողների համար, ովքեր, այնուամենայնիվ, հնարավորություն չեն ունենա օգտվել այս փոփոխությունից, մենք աշխատանք ենք տանում մանկապարտեզներում նրանց երեխաների մնալու ժամը երկարացնելու համար»,- հավելել է նա՝ կցելով դիմումի լուսանկարը: