ԱԺ այսօրվա նիստի սկզբում «Ելք» խմբակցության պատգամավոր Գևորգ Գորգիսյանն անդրադարձավ մամուլի հրապարակումներին, ըստ որի՝ Երևան-Գորիս-Մեղրի-Իրանի սահման միջպետական մայրուղու 40 մ հատվածը, որը գտնվում է վթարային վիճակում, չի հաջողվում վերանորոգել, որովհետև ՌԴ սահմանապահ զորամասը թույլտվությունչի տվել:
«Սա լրջագույն խնդիր եմ համարում ու կարծում եմ՝ կառավարությունը պետք է արձագանքի՝ ինչու չենք կարողանում ՀՀ կարևորագույն ճանապարհի հատվածը վերանորոգել ու ինչ պետք է անել՝ ՌԴ կոնկրետ զորամասի քմահաճույքից կախվածություն չունենալու համար»,- հայտարարեց պատգամավորը:
Նշենք, որ կառավարության այսօրվա նիստի օրակարգում ընդգրկված է Իրանի հետ սահմանային ճանապարհի 40 մետր հատվածում վերանորոգումը դադարեցնելու մասին որոշումը: