Մինչ «ՀՀ բյուջետային համակարգի» և «Պետական պարտքի մասին» նախագծերի փաթեթի քվեարկությունը, վարման կարգով ելույթ ունեցավ «Ծառուկյան» խմբակցության պատգամավոր Նաիրա Զոհրաբյանը: «Այս նախագծի նպատակը հերթական անգամ արտաքին պարտք ներգրավելն է, որն անընդունելի է: Երեկ Աժ-ում կառավարության ներկայացուցիչն ինչի մասին ասես խոսեց, մնում էր Օպերայի խաղացանկը հրապարակեր, բայց հրաժարվեց պատասխանել հարցին՝ ինչպես են ծախսվել պարտքերը: ՀՀ յուրաքանչյուր քաղաքացի ունենալու է 2200 դոլար պարտք: Կոչ եմ անում դեմ քվեարկել նախագծին, որը երկիրը տանելու է փակուղի»:
Ձայների 61 կողմ, 37 դեմ հարաբերակցությամբ նախագիծն ընդունվեց: