Իսրայելի վարչապետ Բենյանին Նեթանյահուն, ով վերջին 22 տարվա մեջ առաջին անգամ այցելել էր Բրյուսել ԵՄ դիվանագիտության ղեկավար Ֆեդերիկա Մոգերինիի և Եվրոհանձնաժողովի ղեկավար Ժան Կլոդ Յունկերի հետ հանդիպման նպատակով, չեղարկել է վերջինի հետ հանդիպումն ու վերադարձել հայրենիք:
Մինչ ԵՄ արտաքին հանձնակատար Ֆեդերիկա Մոգերինիի և կառույցին անդամ երկրների արտգործնախարարների հետ հանդիպումը Նեթանյահուն հայտարարել էր, որ կարծում է, թե եվրապական երկրներն ամենայն հավանականությամբ կհամաձայնեն Իսրայելում իրենց դեսպանություններն ԱՄՆ օրինակով Թել Ավիվից տեղափոխել Երուսաղեմ:
Հանդիպումից հետո, սակայն, Մոգերինին հայտնել է, որ ԵՄ-ն մտադիր չէ այդ ուղղությամբ քայլեր ձեռնարկել:
«Կարծում ենք, որ Իսրայելի և Պաղեստինի միջև հակամարտության միակ լուծումը կարող է հիմնված լինել երկու պետություն երկու ազգի համար սկզբունքի վրա, որի դեպքում Երուսաղեմը կլինի և՛ Իսրայելի, և՛ Պաղեստինի մայրաքաղաքը»,- ասել է Մոգերինին:
Այսպիսով, ԵՄ-ից ակնկալած աջակցությունը չստանալով՝ Նեթանյահուն չի սպասել Յունկերի հետ հանդիպմանն ու վերադարձել է Իսրայել: