Բեյրութում տասնյակ հազարավոր մարդիկ են դուրս եկել փողոցներ՝ բողոքելով ԱՄՆ նախագահ Դոնալդ Թրամփի կողմից Երուսաղեմն Իսրայելի մայրաքաղաք ճանաչելու որոշման դեմ, հաղորդում է «Интерфакс»-ը:
Բողոքի ակցիայի մասնակիցներին է դիմել «Հեզբոլլահ»-ի ղեկավար Հասան Նասրալլան: Նրա խոսքով՝ Երուսաղեմը «երբեք չի պատկանի զավթիչներին և կազատագրվի պաղեստինցիների կողմից»:
Նախօրեին բողոքի ակցիա է անցկացվել նաև Բեյրութում ամերիկյան դեսպանատան առջև: Ցուցարարները փորձել են ներթափանցել դեսպանատան տարածք, ինչպես նաև ցուցադրաբար այրել են ԱՄՆ-ի և Իսրայելի դրոշները: