Խնդրում ենք սպասել...

Իրադարձություններ

«Բողոքի ակցիայի ժամանակ ՀՀԿ-ին կարտոֆիլ ու խոտ կնվիրենք». «Երկիր ծիրանի»

11:10, երկուշաբթի, 11 դեկտեմբերի, 2017 թ.
«Բողոքի ակցիայի ժամանակ ՀՀԿ-ին կարտոֆիլ ու խոտ կնվիրենք». «Երկիր ծիրանի»

««Երկիր ծիրանի» կուսակցության կանանց խորհուրդն այսօր՝ դեկտեմբերի 11-ին, ժամը 18:00-ին ՀՀԿ-ի կենտրոնական գրասենյակի առջև անց է կացնելու բողոք-մերժման ակցիա՝ ՀՀԿ-ի գռեհիկ և ահաբեկիչ հայտարարությունների դեմ։ Ակցիայի ընթացքում ՀՀԿ-ին կնվիրվի կարտոֆիլ և խոտ՝ իր իրական արժեքը մատնանշելու նպատակով»,- ֆեյսբուքյան իր էջում հայտարարել է կուսակցությունը։

Հիշեցնենք, որ ԱԺ առողջապահության և սոցիալական հարցերի մշտական հանձնաժողովի նախագահ, ՀՀԿ խմբակցության անդամ Հակոբ Հակոբյանը (Թունելի Հակոբ) հայտարարել էր, որ թանկացումն աղքատների վրա չի ազդում, աղքատ մարդկանց մոտ սովորություն կա, որ նրանք խուսափում են թանկացած կամ թանկ ապրանք գնելուց։

Գործընկերոջը չէր զիջել նաև ԱԺ ՀՀԿ խմբակցության պատգամավոր Խոսրով Հարությունյանը: Վերջինը մասնավորապես ասել էր. «Պատկերացրեք՝ կա ընտանիք, որը միայն կարտոֆիլ է օգտագործում: Հիմա եթե միսը թանկ է կամ էժան, ինքը միևնույն է գումար չունի միս գնելու, շարունակում է կարտոֆիլ օգտագործել»:

3897 | 0
Facebook