Brexit-ի հարցով հաջողվել է զգալի առաջընթացի հասնել: Այս մասին, ինչպես հաղորդում է BBC-ն, ասել է Եվրոհանձնաժողովի ղեկավար Ժան Կլոդ Յունկերը:
Ուրբաթ օրն առավոտյան Բրյուսել է ժամանել Մեծ Բրիտանիայի վարչապետ Թերեզա Մեյը: Նա մասնակցել է Իռլանդիայի հետ սահմանների մասին հարցի քննարկմանը: Թերեզա Մեյը նշել է, որ սահմաններն անփոփոխ և առավելագույնն ազատ կմնան:
Բացի այդ Մեծ Բրիտանիայում ԵՄ քաղաքացիները կկարողանան ապրել, ինչպես նախկինում, և Մեծ Բրիտանիայում ԵՄ-ի 3 միլիոն քաղաքացիների իրավունքները կերաշխավորվեն բրիտանական օրենսդրությամբ:
Թերեզա Մեյն ընդգծել է, որ Բրիտանիան կլքի Եվրոմիությունը, սակայն կողմ է հետագայում ԵՄ-ի հետ խորը համագործակցությանը:
Brexit-ի հարցով բանակցությունների՝ ակտիվ փուլ անցնելու համար 3 հարց պետք է լուծվի. Մեծ Բրիտանիայում ԵՄ քաղաքացիների իրավունքը, փոխհատուցման չափը, որը Լոնդոնը վճարում է Բրյուսելին միությունը լքելու համար, և իռլանդական սահմանը: