ԱՄՆ նախագահ Դոնալդ Թրամփը Պաղեստինի նախագահ Մահմուդ Աբասին առաջարկել է այցելել Սպիտակ տուն, այն դեպքում, երբ ԱՄՆ փոխնախագահ Մայքլ Փենսի՝ Պաղեստին կատարելիք այցը տապալվել է Վաշինգթոնի՝ Երուսաղեմն Իսրայելի մայրաքաղաք ճանաչելու որոշումից հետո: Այս մասին հայտնում է իսրայելական Haaretz թերթը:
Պարբերականի տվյալներով՝ Թրամփն Աբասին առաջարկել է հանդիպել առաջիկա մի քանի շաբաթվա ընթացքում: Ի դեպ, այդ ժամանակահատվածում Պաղեստինի առաջնորդը բուժման նպատակով Միացյալ Նահանգներում է լինելու: Հրավերը կատարվել է դեկտեմբերի 5-ին՝ Թրամփի և Աբասի հեռախոսազրյուցի ընթացքում: Թրամփի վարչակազմը լրատվականին հայտնել է, որ 2 նախագահների հանդիպման ստույգ ամսաթիվը հայտնի չէ: