Խնդրում ենք սպասել...
Այսօր`  շաբաթ, 16 դեկտեմբերի, 2017 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
9.00%

Միջազգային

«Մենք չենք գրել «ներողություն» բառը, ինչպես մեզ խնդրել էր Չավուշօղլուն». Արցախ այցելած Թուրքիայի քաղաքացիներ

11:35, ուրբաթ, 08 դեկտեմբերի, 2017 թ.
«Մենք չենք գրել «ներողություն» բառը, ինչպես մեզ խնդրել էր Չավուշօղլուն». Արցախ այցելած Թուրքիայի քաղաքացիներ

Թուրքիայի քաղաքացիները հերքել են 2017թ. սեպտեմբերին Արցախ այցելելու համար իրենց նկատմամբ քրեական գործի հարուցման մասին տեղեկությունները:

«Ադրբեջանի կողմից սկսած հետաքննության շրջանակներում մենք հարցում ենք ուղարկել Թուրքիայի արդարադատության նախարարությանը: Այդքանով ամեն ինչ վերջացել է: Մեր հանդեպ քրեական գործ չի հարուցվել և մեզ չեն հարցաքննել Արցախ այցելելու համար»,- նրանց խոսքն է մեջբերում «Ակօս» պարբերականը:

Արցախ այցելած Թուրքիայի քաղաքացիները նաև նշել են, որ նամակ են ուղարկել Ադրբեջանի ղեկավարությանը, որում բացատրել են այցի պատճառները:

«Նամակում մենք ներողություն չենք խնդրել Ադրբեջանից, մենք միայն հայտնել ենք, որ հաճախ ենք այցելում հակամարտությունների գոտիներ: Մենք չենք գրել «ներողություն» բառը, ինչպես մեզ խնդրել էր Թուրքիայի արտաքին գործերի նախարար Մևլյութ Չավուշօղլուն»,- ասել են նրանք:

Հիշեցնենք, որ ավելի վաղ Չավուշօղլուն հայտարարել էր, որ Արցախ այցելելու համար Թուրքիայի 4 քաղաքացու՝ քաղաքական գործիչ Ուֆուք Ուրասի, գրող Սայիթ Չեթինօղլուի, լրագրողներ Ալի Բայրամօղլուի և Էրոլ Քաթըրջիօղլուի նկատմամբ քրեական գործ է հարուցվել:

3241 | 0
|
Հավանե՛ք և բաժանորդագրվե՛ք
Facebook
ВКонтакте
ՄԱՄՈՒԼ.am