ԱՄՆ Պետդեպարտամենտը նախազգուշացրել է ամերիկացիներին ողջ աշխարհում ահաբեկչական սպառնալիքների մասին: Գերատեսչությունը թարմացրել է սեպտեմբերին հրապարակած փաստաթուղթը՝ կապված «արտասահմանում ԱՄՆ-ի քաղաքացիների նկատմամբ հանցավոր գործունեության, քաղաքական բռնության և շարունակվող ահաբեկչական սպառնալիքների» հետ:
Այդ կապակցությամբ ամերիկացիներին խորհուրդ են տալիս զգոնություն պահպանել և համապատասխան քայլեր ձեռնարկել ուղևորությունների ժամանակ անվտանգությունը պահպանելու համար:
Գերատեսչության հայտարարության համաձայն՝ ամերիկացիները հատկապես պետք է զգոնություն պահպանեն հասարակական և տեսարժան վայրեր այցելելիս: