ԱՄՆ նախագահ Դոնալդ Թրամփը քիչ առաջ հանդես է եկել Երուսաղեմը Իսրայելի մայրաքաղաք ճանաչելու հայտարարությամբ. այս մասին հաղորդում է «ՌԻԱ Նովոստի» գործակալությունը:
Այդպիսով, Թրամփը կատարել է նախընտրական քարոզարշավի ժամանակ տված իր խոստումը:
«Մենք համոզված ենք, որ ներկա իրավիճակում բոլոր իսլամական երկրները պետք է միահամուռ կերպով միասնաբար և միանշանակ քայլեր ձեռնարկեն ԱՄՆ-ի այս անօրինական, սադրիչ և շատ վտանգավոր գործողությունների դեմ», - հայտարարել է Իրանի նախագահ Հասան Ռուհանին:
Թուրքիայի նախագահ Թայիփ Էրդողանը դեկտեմբերի 13-ին
հրավիրել է Ստամբուլում Իսլամական Համագործակցության Կազմակերպության գագաթնաժողով` «համատեղ դատապարտելու ԱՄՆ որոշումը»: Բացի այդ, Էրդողանը խոստովանել է, որ եթե Վաշինգտոնը ճանաչի Երուսաղեմը որպես Իսրայելի մայրաքաղաք, Անկարան կարող է դիվանագիտական հարաբերություններ հաստատել հրեական պետության հետ: