Հռոմի պապ Ֆրանցիսկոսն իր անհանգստությունն է հայտնել՝ կապված Թել Ավիվից Երուսաղեմ դեսպանատան տեղափոխման հարցով ԱՄՆ-ի որոշման հետ և կոչ արել պահպանել ստատուս քվոն:
«Չեմ կարող իմ խորին մտահոգությունը չհայտնել՝ կապված վերջին օրերին ստեղծված իրավիճակի շուրջ և միևնույն ժամանակ չդիմել ՄԱԿ-ի բազմաթիվ բանաձևերին համապատասխան՝ քաղաքի ստատուս քվոն պահպանելու կոչով»,- ասել է Հռոմի պապը:
Երուսաղեմը, Հռոմի պապի խոսքով, մնում է եզակի քաղաք, որը սրբություն է համարվում հրեաների, քրիստոնյաների և մուսուլմանների համար:
Հռոմի պապը հույս է հայտնել, որ Երուսաղեմի հարցում «իմաստնություն և համբերատարություն» կպահպանվի, որոնք թույլ կտան խուսափել խառնաշփոթից՝ առանց այդ էլ հակամարտություններով լի աշխարհում: