Կրեմլում անհանգստացած են՝ կապված ԱՄՆ-ի կողմից Երուսաղեմն Իսրայելի մայրաքաղաք ճանաչելու մասին հաղորդագրությունների հետ: Այս մասին հայտարարել է Կրեմլի մամուլի խոսնակ Դմիտրի Պեսկովը, փոխանցում է РИА Новости-ն:
Նրա խոսքով՝ ՌԴ նախագահն այդ կապակցությամբ մի շարք միջազգային բանակցություններ է վարել, այդ թվում՝ Պաղեստինի նախագահ Մահմուդ Աբասի հետ:
Ավելի վաղ Սպիտակ տունը հայտարարել է, որ ԱՄՆ նախագահ Դոնալդ Թրամփն այսօր պաշտոնապես կհայտարարի, որ Վաշինգթոնը Երուսաղեմն Իսրայելի մայրաքաղաք է ճանաչում: