Ավստրալական ABC հեռուստաալիքով հեռարձակվող «Media Watch» վերլուծական ծրագիրը կասկածի տակ է դրել Ադրբեջանի ժողովրդավարությունը, հաղորդում է rusarminfo-ն:
Անդրադառնալով «The West Australian» պարբերականի՝ Ադրբեջանի ժողովրդավարության մասին հրապարակած հոդվածին, ծրագրի հաղորդավար Փոլ Բերին ծաղրանքով խոսել է հարավկովկասյան հանրապետության իշխանությունների մասին:
«Ծիծաղելի է ասել, որ Ադրբեջանը երկիր է, որտեղ խրախուսվում է ազատության ձգտման հիման վրա կառուցված ժողովրդավարությունը: Ամենատարօրինակն այն է, որ Ադրբեջանի նախագահ Իլհամ Ալիևն այնքան հանրաճանաչ էր, որ 2013թ. երրորդ անգամ նախագահ ընտրվեց նախքան քվեարկության սկսվելը»,- նշել է Բերին:
Հաղորդավարը պատմել է նաև Ադրբեջանի ընդդիմադիր գործիչների ձերբակալությունների, լրագրողների և քաղաքացիական ակտիվիստների հետապնդումների, բռնապետության, իշխանությունն Ալիևների ձեռքում գտնվելու մասին:
