Միջազգային

     Թուրքիայի մայրաքաղաք Անկարայում ոստիկանության հատուկ գործողությունների ընթացքում 47 մարդ է ձերբակալվել, ովքեր կասկածվում են իսլամական քարոզիչ Ֆեթուլլահ Գյուլենի FETO կազմակերպության հետ կապերի համար, հաղորդում է թուրքական NTV հեռուստաալիքը:
     Ձերբակալվածների թվում է Գյուլենի զարմիկը՝ Սալմանը:
     Ավելի վաղ հաղորդվել է, որ ոստիկանները խուզարկումներ են անցկացրել 65 հասցեներով: Ընդհանուր առմամբ դատարանը 87 մարդու ձերբակալման հրաման է արձակել, սակայն այս պահին հաջողվել է ձերբակալել միայն 47-ին:
     Հիշեցնենք, որ 2016թ. հուլիսի 5-ին Թուրքիայի զինված ուժերի մի խումբ սպաներ և զինծառայողներ երկրում պետական հեղաշրջման փորձ էին իրականացրել: Ստամբուլում և Անկարայում 250 մարդ էր զոհվել՝ չհաշված ապստամբներին, ավելի քան 2 հազար մարդ վիրավորվել էր: Հեղաշրջման փորձ կազմակերպելու համար մեղադրանք էր առաջադրվել իսլամական քարոզիչ Ֆեթուլլահ Գյուլենին, ով 1999թ.-ից բնակվում է ԱՄՆ-ում: