Ուկրաինայի ներքին գործերի նախարար Արսեն Ավակովը Վրաստանի նախկին նախագահ, ուկրաինական «Նոր ուժերի շարժում» կուսակցության առաջնորդ Միխայիլ Սաակաշվիլիին կոչ է արել հանձնվել երկրի իշխանություններին, հաղորդում է ТАСС-ը:
«Ցանկացած կոնֆլիկտ պետք է օրենքով լուծվի: Քանի դեռ չկա դատարանի որոշումը, տեղի ունեցածը լուծում չի ստանա: Սաակաշվիլին պարտավոր է ենթարկվել օրենքի պահանջներին և պատասխանել իրեն առաջադրված մեղադրանքներին, այլ ոչ թե արնահեղություն և բախումներ սադրել»,- Twitter-ի իր էջում գրել է Ավակովը:
Ավելի վաղ Սաակաշվիլիի կողմնակիցներն ազատել էին քաղաքական գործչին, որից հետո ուղևորվել էին դեպի խորհրդարանի շենք: