Վրաստանի նախկին նախագահ Միխայիլ Սաակաշվիլին, ում ավելի վաղ ձերբակալել էին, ուկրաինացիներին կոչ է արել Մայդան դուրս գալ և տապալել երկրի նախագահ Պետրո Պորոշենկոյի իշխանությունը:
Ուկրաինական «Страна» պարբերականի հաղորդմամբ՝ Սաակաշվիլիի կողմնակիցները կոտրել են մեքենայի դուռը, որում իրավապահները պահում էին քաղաքական գործչին, և ազատ արձակել նրան:
«Ես ձեզ սիրում եմ: Ես կմեռնեմ հանուն Ուկրաինայի»,- բարձրախոսով հայտարարել է Սաակաշվիլին: Դրանից հետո նա ուկրաինացիներին կոչ է արել «վեր կենալ և Մայդան դուրս գալ, որպեսզի տապալեն օլիգարխների հանցավոր իշխանությունը»:
Կարճ ելույթից հետո Սաակաշվիլիի կողմնակիցներն ուղևորվել են դեպի խորհրդարան: