Միջազգային

     Թուրքիայի ընդդիմադիր Ազգային հանրապետական կուսակցությունն Անկարայի գլխավոր դատախազությանն է հանձնել Թուրքիայի նախագահ Ռեջեփ Էրդողանի ընտանիքի ֆինանսական գործարքների մասին փաստաթղթերը, գրում է mk-turkey.ru-ն:
     Փաստաթղթերում ասվում է, որ Էրդողանի մտերիմները բազմամիլիոնավոր դոլարներ արժեցող գործարքներ են իրականացրել՝ գումարը փոխանցելով օֆշորային ընկերությունների հաշիվներին:
     Ընդդիմադիր կուսակցության ներկայացուցիչը հայտնել է, որ կուսակցության առաջնորդ Քեմալ Քըլըչդարօղլուի ներկայացրած փաստաթղթերի հիման վրա հետաքննություն է ընթանում:
     Անցած շաբաթ Էրդողանի մտերիմների օֆշորային հաշիվների մասին հաղորդագրություններից հետո դատախազությունը հետաքննություն էր սկսել՝ պահանջելով ներկայացնել փաստաթղթերը: