Եմենում ապստամբները գրավել են հեռուստակենտրոնն ու պատանդ վերցրել 41 լրագրողի: Նրանց թվում է եղել ռուսական Sputnik գործակալության աշխատակիցը, ով արաբական երկրներից մեկի քաղաքացի է:
«Sputnik-ի թղթակիցը մյուս լրագրողների հետ հուսիթների կողմից պահվում է հեռուստակենտրոնի շենքում: Ձերբակալվածների թիվը 41-ն է»,- հայտնել է РИА Новости-ն:
Երեկ հայտնի էր դարձել, որ Եմենի նախկին նախագահ Ալի Աբդալա Սալեհը զոհվել էր Սանայի մոտակայքում գտնվող բնակավայրում գլխին կրակոց ստանալուց հետո: Ապստամբ հուսիթները հայտնել էին նրա սպանության մասին, ինչպես նաև տեսանյութ հրապարակել, որում երևում էր նախկին նախագահի արնաշաղախ մարմինը: