Հայաստանում որ քաղաքական կուսակցությունն է պաշտպանում բնակչության ամենամեծ խմբի՝ գյուղացիության շահերը: Տավուշի մարզի սահմանամերձ գյուղերում թաղեր կան, ուր գիշերը հատուկենտ լույսեր են վառվում, և դիմացի հենակետերից հակառակորդի զինուժը դա տեսնում է: Գյուղերում չի հերիքում գյուղտեխնիկան, դրա մեծ մասը հին է ու մաշված: Գյուղերում հիպոտեկ չի գործում, հակակարկտային կայաններ չկան, գյուղատնտեսության ապահովագրություն՝ նույնպես: Գյուղացիները գերադասում են արտագաղթելով՝ Ռուսաստանի անծայրածիր, հարթ ու բերի դաշտերը մշակել, այնտեղ անասուն պահել, մանավանդ որ այնտեղ անասնակերն անհամեմատ էժան է: 5 տարի Հայաստանում համապետական ընտրություններ չկան, ուրեմն մի հնգամյակ քաղաքական գործիչները և պաշտոնյաները գյուղեր չեն այցելելու, գյուղացիներին խոստումներ չեն տալու: