Խնդրում ենք սպասել...

Միջազգային

Էրդողանն ԱՄՆ-ին մեղադրել է Թուրքիային պատժելու փորձերի համար

10:40, երկուշաբթի, 04 դեկտեմբերի, 2017 թ.
Էրդողանն ԱՄՆ-ին մեղադրել է Թուրքիային պատժելու փորձերի համար
     ԱՄՆ-ն ցանկանում է պատժել և վարկաբեկել Թուրքիային, քանի որ մենք չենք շարժվում նրանց սցենարներով: Ինչպես հայտնում է РИА Новости-ն, այս մասին հայտարարել է Թուրքիայի նախագահ Ռեջեփ Էրդողանը:
     «Նրանք (ԱՄՆ-ն) ցանկանում են պատժել, դատապարտել և վարկաբեկել մեզ, քանի որ մենք չենք հետևում իրենց սցենարներին, որոնք ակնհայտ են և իրականացվում են մեր երկրում համահեղինակների օգնությամբ: Նրանք դա անում են FETÖ-ի հետ: Սակայն նրանք պետք է իմանան, որ չեն կարող խաբել մեզ»,- հայտարարել է Էրդողանը՝ ելույթ ունենալով Ագրա քաղաքում:
     Նա նաև Վաշինգթոնին մեղադրել է Թուրքիայում արգելված Քրդական աշխատավորական կուսակցությանն աջակցելու համար:
     «Այդ սցենարների մի մասն են կազմում ԱՄՆ-ում Թուրքիայի քաղաքացիների դեմ դատերը, մեր հասցեին հարձակումները, ստերն ու զրպարտանքները: Այդ բոլոր փորձերը կձախողվեն»,- հավելել է Էրդողանը:
16410 | 0
Facebook