Ռուսաստանն ու ԱՄՆ-ն քննարկել են Մերձավոր Արևելքում ԱԷԿ-ի կառուցումը, նախագիծն ԱՄՆ նախագահ Դոնալդ Թրամփի հաղթանակից հետո հակառուսական պատժամիջոցների չեղարկում էր ենթադրում: Այս մասին գրում է Reuters-ը՝ հղում անելով գործակալության տրամադրության տակ հայտնված նամակագրությանը:
Գործակալությունը նշում է, որ բանակցություններն անցկացրել է Թրամփի նախկին խորհրդական
Մայքլ Ֆլինը:
2016թ. նոյեմբերին ACU Strategic Partners ընկերությունը, որը զբաղվում է միջուկային էներգետիկայի հարցերի շուրջ խորհրդակցություններով, գրել է գործընկերներին, որ Թրամփի հաղթանակը կփոխի խաղի կանոնները, և ԱՄՆ նոր նախագահի հիմնական խնդիրը կլինի Ռուսաստանի հետ հարաբերությունների կարգավորումը:
Մեկ այլ նամակում ասվում է ուկրաինական «Տուրբոատոմ» ընկերության հնարավոր օգնության մասին՝ Սաուդյան Արաբիայում պայմանագրի կնքման դեպքում: Դրա փոխարեն Կիևը կարող էր մեղմացնել իր դիրքորոշումը հակառուսական պատժամիջոցների հարցում: Սակայն գործակալությունը նշում է, որ ACU-ն ու «Տուրբոատոմ»-ը հրաժարվել են մեկնաբանությունից: